«Սեն-Պիեռը ֆրանսիական կլինի՝ չնայած Թրամփի քարտեզին». Մակրոն

Ֆրանսիայի նախագահ Էմանուել Մակրոնը հայտարարել է, որ Ատլանտյան օվկիանոսի Սեն-Պիեռ և Միկելոն արշիպելագը կմնա ֆրանսիական, չնայած ԱՄՆ նախագահ Դոնալդ Թրամփի քարտեզին, որը տարածքը ցույց է տալիս որպես ամերիկյան:

Ավելի վաղ Թրամփը իր Truth Social սոցիալական ցանցում հրապարակել էր քարտեզ, որտեղ տասնյակ երկրներ գունավորված են ամերիկյան դրոշի գույներով՝ Կուբա, Կանադա, Մեքսիկա, Կարիբյան ավազան և ֆրանսիական անդրծովյան տարածքներ։

«Մեզ համար պարզ է, որ սա ֆրանսիական տարածք է... մենք հանձնառու ենք դրան, դրա մասին որևէ քննարկում չի կարող լինել», - ասաց Մակրոնը, ով կղզեխմբում է սեպտեմբերի 19-ից 21-ը։