«Կիևը գիտի, թե ինչ որոշումներ են պետք՝ խաղաղության հասնելու համար»․ Պեսկով

Կիևը գիտի, թե ինչ որոշումներ է անհրաժեշտ ընդունել՝ Ուկրաինայում կայուն խաղաղության հասնելու համար, հայտարարել է ՌԴ նախագահի մամուլի քարտուղար Դմիտրի Պեսկովը։

«Կիևում շատ լավ գիտեն, թե ինչ պատասխանատվություն պետք է ստանձնել և ինչ որոշումներ պետք է ընդունել, որպեսզի շարժվենք այն ճանապարհով, որը մեզ կտանի ոչ թե պարզապես հրադադարի, այլ կայուն խաղաղության»,- ասել է նա լրագրողներին՝ պատասխանելով հարցին, թե Կրեմլում քննարկվո՞ւմ են ուկրաինական կողմի հետ հնարավոր բանակցությունները, ինչպես նաև ԱՄՆ նախագահ Դոնալդ Թրամփի և Վլադիմիր Զելենսկու հանդիպումը։