«Մոսկվայի և ԵՄ-ի միջև ուղղակի զինված հակամարտություն տեղի չի ունենա». Թրամփ

Միացյալ Թագավորությունը և եվրոպական երկրները Ռուսաստանի հետ պատերազմի վտանգի տակ չեն։ Այս մասին հայտարարել է ԱՄՆ-ի նախագահ Դոնալդ Թրամփը լրագրողների հետ հանդիպման ժամանակ։

Նրա խոսքով՝ եվրոպացի դաշնակիցների մտահոգությունները լայնածավալ սրման և հակամարտության՝ Ուկրաինայի սահմաններից դուրս տարածման վերաբերյալ չափազանցված են։ Թրամփը վստահություն է հայտնել, որ Մոսկվայի և եվրոպական երկրների միջև ուղղակի զինված հակամարտություն տեղի չի ունենա։

Հարցին, թե արդյոք նա շարունակում է վստահ լինել Ուկրաինայի՝ բոլոր կորցրած տարածքները վերադարձնելու կարողության հարցում, Սպիտակ տան ղեկավարը խուսափել է ուղիղ պատասխանից։ Դրա փոխարեն նա ընդգծել է, որ կողմերը, ի վերջո, համաձայնության կգան, բայց հրաժարվել է բացահայտել ապագա համաձայնագրի մանրամասները կամ հնարավոր պայմանները։