«Իրանի ռմբակոծումը չի հանգեցնի երկրում իշխանափոխության»․ Մակրոն

Ֆրանսիայի նախագահ Էմանուել Մակրոնը ABC հեռուստաալիքին տված հարցազրույցում ասել է, որ Իրանին հարվածներ հասցնելով՝ հնարավոր չէ հասնել Իսլամական Հանրապետությունում իշխանափոխության։

«Կարծում եմ՝ բոլորիս համար շատ կարևոր է, որպեսզի Իրանը միջուկային զենք ձեռք չբերի։ Չեմ կարծում, որ երկրին ռմբակոծելու միջոցով հնարավոր է հասնել իշխանափոխության, և ինձ համար դա լավագույն տարբերակը չէ, քանի որ այն չի աշխատում։ Իսկ վերջին տասնամյակների ընթացքում մենք արդեն մի քանի անգամ թույլ ենք տվել նման սխալ»,- նշել է Մակրոնը։