«ԱՄՆ-ն պետք է ընդունի Հորմուզի նեղուցի նոր կարգավիճակը»․ Քազեմ Ջալալի

Հորմուզի նեղուցով նավագնացություն իրականացնելու համար Միացյալ Նահանգները պետք է ընդունի նեղուցի իրավական նոր կարգավիճակը, որը սահմանվելու է այն վերահսկող երկու պետությունների՝ Իրանի և Օմանի կողմից։ Այս մասին հայտարարել է ՌԴ-ում Իրանի դեսպան Քազեմ Ջալալին։

Նա նշել է, որ Հորմուզի նեղուցը երկար տարիներ բաց է եղել բոլորի համար, իսկ փակման պատճառն Իրանի դեմ ամերիկա-իսրայելական ագրեսիան է։ «Նրանք լուրջ չէին ընդունում մեր գերագույն առաջնորդ Ալի Խամենեիի՝ կենդանության օրոք արված վերջին հայտարարություններից մեկը, ըստ որի՝ եթե նրանք պատերազմ սկսեն, այն կդառնա տարածաշրջանային։ Եվ դա տեղի ունեցավ։ Իսկ դրա պատասխանատվությունը կրում են Ամերիկան և Իսրայելը»,- նշել է դեսպանը։