Չորեքշաբթի, 14 հոկտեմբերի, 2026 թ.
|
Ստեփանակերտում`   +22 °C

Էրդողանը Նիկոլ Փաշինյանին հրավիրել է Թուրքիայում կայանալիք COP31-ի առաջնորդների գագաթնաժողովին

Էրդողանը Նիկոլ Փաշինյանին հրավիրել է Թուրքիայում կայանալիք COP31-ի առաջնորդների գագաթնաժողովին
767
Հինգշաբթի, 24 սեպտեմբերի, 2026 թ., 12:24

Նյու Յորքում ՄԱԿ-ի Գլխավոր ասամբլեայի 81-րդ նստաշրջանի շրջանակում «Թուրքական տանը» Թուրքիայի նախագահ Ռեջեփ Թայիփ Էրդողանի և Հայաստանի վարչապետ Նիկոլ Փաշինյանի հանդիպման ընթացքում քննարկվել են Թուրքիայի և Հայաստանի միջև շփումները, ինչպես նաև տարածաշրջանային և գլոբալ հարցեր։ Այս մասին ասվում է Թուրքիայի նախագահականի հաղորդակցության վարչության հաղորդագրության մեջ։

«Նշելով, որ Թուրքիան աջակցում է Հայաստանի հետ երկկողմ առևտրի և տրանսպորտի ոլորտներում հարաբերությունների կարգավորման գործընթացին՝ Էրդողանն ընդգծել է երկկողմ հարաբերություններում դրական դինամիկայի պահպանման կարևորությունը։

Նա գոհունակություն է հայտնել Ադրբեջանի և Հայաստանի կողմից խաղաղության գործընթացում ձեռնարկվող փոխադարձ քայլերի առնչությամբ։

Էրդողանը նշել է, որ միջազգային կազմակերպություններում Հայաստանի հետ աճող համագործակցությունը նպաստում է կարգավորման գործընթացին, և վարչապետ Փաշինյանին հրավիրել է Թուրքիայում կայանալիք COP31-ի առաջնորդների գագաթնաժողովին», - նշված է հաղորդագրության մեջ։

Կարդացե՛ք նաև