«Փաշինյանի՝ Մոսկվա այցի ամսաթիվը դեռ համաձայնեցված չէ»․ Պեսկով

Հայաստանի վարչապետ Նիկոլ Փաշինյանի՝ Մոսկվա այցի ժամկետները դեռ համաձայնեցված չեն, հայտարարել է ՌԴ նախագահի մամուլի քարտուղար Դմիտրի Պեսկովը։

«Դեռևս ամսաթիվը համաձայնեցված չէ, սակայն նախագահի (ՌԴ նախագահ Վլադիմիր Պուտինի) և վարչապետի (Նիկոլ Փաշինյանի) միջև առկա է փոխադարձ ըմբռնում և պայմանավորվածություն, որ նման այց տեղի կունենա մոտ ապագայում», - լրագրողներին հայտնել է Պեսկովը։

Ավելի վաղ Պուտինը Բիշքեկում ՇՀԿ գագաթնաժողովի շրջանակում բանակցություններ էր անցկացրել Փաշինյանի հետ։ Բանակցություններից հետո Ռուսաստանի նախագահը հայտնել էր, որ Հայաստանի վարչապետին հրավիրել է Մոսկվա՝ երկու երկրների համագործակցության կոնկրետ հարցերը քննարկելու համար։