Գուտերեշն ու Լավրովը քննարկել են ուկրաինական հակամարտությունը

ՄԱԿ-ի գլխավոր քարտուղար Անտոնիու Գուտերեշը և Ռուսաստանի ԱԳ նախարար Սերգեյ Լավրովը ՄԱԿ-ի Գլխավոր ասամբլեայի շրջանակներում կայացած հանդիպման ընթացքում քննարկել են ուկրաինական հակամարտությունը, այդ թվում՝ դրա գլոբալ հետևանքները, հայտնել են գլխավոր քարտուղարի գրասենյակից։

ՌԴ ԱԳՆ-ն իր հերթին նշել է, որ Լավրովը «շեշտել է ՄԱԿ-ի բարեփոխումների հավասարակշռված իրականացման կարևորությունը՝ բազմաբևեռ աշխարհակարգի իրողություններին կառույցը հարմարեցնելու, ՄԱԿ-ի քարտուղարությունում համաշխարհային մեծամասնության երկրների քաղաքացիների ավելի լայն ներկայացվածությունն ապահովելու, ինչպես նաև ՄԱԿ-ի աշխատակիցների կողմից իրենց պարտականությունները անկողմնակալության և չեզոքության սկզբունքով կատարելու նպատակով»։