Քալիֆորնիայում սպանել են #NYT Games-ի տեխնիկական բաժնի ղեկավարին

ԱՄՆ Քալիֆորնիա նահանգում տեղի ունեցած հրաձգության հետևանքով սպանվել է The New York Times (NYT) Games-ի տեխնիկական ծառայության ղեկավար Ջոնաթան Մաքքինզին։ Սպանության կասկածանքով ձերբակալվել են նրա կնոջ ծնողները։ Այս մասին հայտնել է Fox News-ը։ Նշվում է, որ 40-ամյա աշխատակցին մահացած են հայտնաբերել մարզահամալիրի ավտոկայանատեղիում՝ հրազենային բազմաթիվ վնասվածքներով։ Հնարավոր դրդապատճառի վերաբերյալ տեղեկություն դեռ չի հրապարակվել։

Հեռուստաալիքի տրամադրության տակ հայտնված դատական փաստաթղթերի համաձայն՝ NYT Games-ի ղեկավարը ներգրավված է եղել մի քանի դատական գործընթացներում, այդ թվում՝ 2025 թվականի հոկտեմբերին հարուցված՝ երեխայի նկատմամբ դաժան վերաբերմունքի գործով։ Նույն թվականին Մաքքինզին և նրա կինը՝ Քենդիս Չժանը, միմյանց դեմ դիմումներ էին ներկայացրել՝ ընտանեկան բռնության գործով պաշտպանական որոշումներ ստանալու համար։