«Իրանի պատասխանը ցանկացած արկածախնդրության և ճնշման կլինի կոշտ ու արագ»․ Ղալիբաֆ

Իրանի խորհրդարանի նախագահ Մոհամմադ Բաղեր Ղալիբաֆը հայտարարել է, որ ԱՄՆ-ն, բացի առևտրային շրջափակումից, Իրանի նկատմամբ նաև օդային շրջափակում է սահմանում։

«Սպիտակ տան ղեկավարությունը պետք է իմանա, որ Իրանի խիզախ ժողովուրդը երբեք չի նահանջի օդային և առևտրային շրջափակման պայմաններում։ Իրանի պատասխանը ցանկացած արկածախնդրության և ճնշման կլինի կոշտ, դիպուկ ու արագ և նրանց կստիպի զղջալ դրա համար»,- նշվում է նրա թելեգրամյան ալիքում։

Ավելի վաղ ԱՄՆ ֆինանսների նախարար Սքոթ Բեսենթը հայտարարել էր, որ սեպտեմբերի 23-ից իրանական ավիաընկերություններն այլևս չեն կարողանա թռիչքներ իրականացնել, իսկ պատժամիջոցների պատճառով նրանց չեն մատուցվի օդանավակայանային ցամաքային սպասարկման ծառայություններ։ Դրանից հետո մի շարք երկրներ դադարեցրել են իրանական ավիաընկերությունների չվերթների ընդունումը։