«Թրամփը խորհրդականների հետ քննարկել է դիզելային վառելիքի արտահանման արգելքի հարցը»․ #FT

ԱՄՆ նախագահ Դոնալդ Թրամփը խորհրդականների հետ ճգնաժամային քննարկում է անցկացրել՝ դիզելային վառելիքի արտահանումն արգելելու կամ վառելիքային ճգնաժամը մեղմելու ուղղությամբ այլ միջոցներ ձեռնարկելու հարցի վերաբերյալ, հայտնում է Financial Times-ը՝ հղում կատարելով աղբյուրներին։

«Խորհրդականները նախագահին ներկայացրել են հնարավոր տարբերակներ, այդ թվում՝ դիզելային վառելիքի միջազգային վաճառքի սահմանափակումներ, իսկ վարչակազմի պաշտոնյաները հնարավոր մատակարարման խափանումների մասին տեղեկացրել են օտարերկրյա դաշնակիցներին, այդ թվում՝ Մեծ Բրիտանիային»,- հայտնում է լրատվամիջոցը։

Սպիտակ տան պաշտոնյան թերթին հայտնել է, որ Թրամփը ուսումնասիրում է երկրում գները նվազեցնելու հնարավոր տարբերակները, և որ առայժմ որևէ որոշում չի կայացվել։