«Ռուսական զորքերն Ուկրաինայում ռեկորդային կորուստներ են ունեցել»․ բրիտանական հետախուզություն

Սեպտեմբերի 27-ին ռուսական զորքերը Ուկրաինայի դեմ պատերազմի սկզբից ի վեր մեկ օրվա ընթացքում ռեկորդային կորուստներ են ունեցել։ Այս մասին ասվում է բրիտանական հետախուզության զեկույցում։ Վերլուծաբանները նշել են, որ այդ օրը ռուսական կողմը տվել է 2090 սպանված և վիրավոր։ «Սա ռուս-ուկրաինական պատերազմի ողջ ընթացքում գրանցված ամենաբարձր օրական ցուցանիշն է»,- նշել են վերլուծաբանները։

Նրանք նշել են, որ ընդհանուր առմամբ սա ընդամենը չորրորդ դեպքն է, երբ ռուսական բանակի օրական կորուստները գերազանցել են 2000-ը։ Նախորդ երեք ռեկորդները գրանցվել էին դեռևս 2024 թվականին։

Բրիտանացի վերլուծաբանները նշել են, որ ռուսական կողմի կորուստների մակարդակը ամառվանից ի վեր շարունակում է մնալ կայուն բարձր։