Հրապարակվել է Սլովակիայի դպրոցում սպանդ իրականացրած աշակերտի դատավճիռը

Սամուել Ս-ն դատապարտվել է 25 տարվա ազատազրկման Սլովակիայի արևելքում գտնվող Սպիշսկա Ստարա Վեսի ավագ դպրոցում երկու մարդու սպանության համար, հաղորդում է Dennik N լրատվականը։
Դատավճիռը կայացրել է Պեզինոկի (արևմտյան Սլովակիա) մասնագիտացված քրեական դատարանը։ Մեղադրողը պահանջել էր ցմահ ազատազրկում, մինչդեռ պաշտպանությունը պնդում էր 15 տարվա ազատազրկում։ Մեղադրող կողմը մտադիր է բողոքարկել դատավճիռը՝ համարելով այն չափազանց մեղմ։

2025 թվականի հունվարին Սպիշսկա Ստարա Վեսի ավագ դպրոցի այն ժամանակվա 18-ամյա աշակերտ Սամուել Ս-ն հարձակվել է ուսուցչի և երկու համադասարանցիների վրա։ Նրանցից երկուսը մահացել են։