Պակիստանն ավիահարվածներ է հասցրել Աֆղանստանին

Պակիստանն ավիահարվածներ է հասցրել Աֆղանստանի արևելյան և հարավային շրջաններին։ Այս մասին X սոցիալական ցանցում գրել է Աֆղանստանի գերագույն առաջնորդի մամուլի քարտուղար Զաբիուլլա Մուջահիդը։

Նա հստակեցրել է, որ հարվածների են ենթարկվել Քունար նահանգի Չուգամե և Հիլմենդ նահանգի Սաֆարե բնակավայրերի բնակելի տները։ Զոհվել է ինը խաղաղ բնակիչ, այդ թվում՝ կանայք և երեխաներ, ևս տասնմեկ մարդ վիրավորվել է։

Աֆղանստանի գերագույն առաջնորդի մամուլի քարտուղարը տեղի ունեցածն անվանել է ագրեսիայի ակտ և ընդունված սկզբունքների խախտում։