Հինգշաբթի, 22 հոկտեմբերի, 2026 թ.
|
Ստեփանակերտում`   +15 °C

Ֆրանսիայում դպրոցականների բողոքի ակցիայի ժամանակ դպրոցում հրդեհ է բռնկվել

Ֆրանսիայում դպրոցականների բողոքի ակցիայի ժամանակ դպրոցում հրդեհ է բռնկվել
1102
Հինգշաբթի, 01 հոկտեմբերի, 2026 թ., 15:43

Առավոտյան Ֆրանսիայի արևմուտքում գտնվող Նանտ քաղաքի Նելսոն Մանդելայի անվան դպրոցում հրդեհ է բռնկվել։ Հրդեհը բռնկվել է այն պահին, երբ շենքի մոտ աշակերտների ցույց էր անցկացվում։ Այս մասին հայտնում է actu.fr ինտերնետային պորտալը։

Նշվում է, որ տեղի ունեցածի հանգամանքները դեռևս պարզված չեն։ Աշակերտներից մեկի խոսքով՝ հրդեհի հետևում կանգնած են քաղաքի և դրա շրջակայքի այլ դպրոցների աշակերտներ։

ԶԼՄ-ներում հրապարակված կադրերում երևում է, որ կրակը տարածվել է դպրոցի ճակատի մի հատվածում՝ առաջին հարկից մինչև տանիք։ Բացի այդ, հրդեհի հետևանքով վնասվել է դպրոցին կից հանրակացարանի մի մասը։

Ֆրանսիայում ավագ դասարանների աշակերտներն արդեն մի քանի օր է բողոքի ակցիաներ են անցկացնում՝ դժգոհելով ծանրաբեռնված դասացուցակից, ուսուցիչների պակասից և կրթության ոլորտի այլ խնդիրներից։ Որոշ դեպքերում բողոքի ակցիաներն ուղեկցվել են անկարգություններով։ Իշխանությունները հայտնել են 625 մարդու ձերբակալության և ավելի քան 200 տուժածի մասին։