«Թրամփը Մադուրոյին ձերբակալելուց առաջ խորհրդակցել է Grok չաթբոտի հետ»․ #Time

ԱՄՆ նախագահ Դոնալդ Թրամփը Վենեսուելայի առաջնորդ Նիկոլաս Մադուրոյին ձերբակալելու ծրագրերը քննարկել է Grok-ի՝ Իլոն Մասկի xAI ընկերության կողմից մշակված արհեստական ​​բանականությամբ աշխատող չաթբոտի հետ։ Այս մասին հայտնում է Time-ը՝ հղում կատարելով իր աղբյուրներին։

Ըստ հրապարակման՝ քննարկումը տեղի է ունեցել 2025 թվականի դեկտեմբերին Սպիտակ տան Օվալաձև աշխատասենյակում, Մասկի հետ կայացած փակ հանդիպումից հետո։ Լրատվամիջոցը նշում է, որ ԱՄՆ առաջնորդը մի քանի ժամ անցկացրել է՝ Grok-ին հարցեր ուղղելով «իր նախագահության և թողած ժառանգության մասին»։ Այնուհետև նա հարցրել է, թե ինչպես կարձագանքեն վենեսուելացիները, եթե ԱՄՆ-ն ձերբակալի Մադուրոյին։ Time-ի տվյալներով՝ Grok-ը պատասխանել է, որ «Վենեսուելայի ժողովուրդը, ամենայն հավանականությամբ, ուրախ կլինի»։

Գործողության իրականացումից հետո Թրամփը հայտարարել է, որ Grok-ը «հանճարեղ մշակում է»։