«Սանահինի կամուրջն է. քար առ քար մեր պատմությունը քանդվում է». Լևոն Ջավախյան

Արձակագիր Լևոն Ջավախյանի ֆեյսբուքյան գրառումը. «ՔԱՐ ԱՌ ՔԱՐ ՄԵՐ ՊԱՏՄՈՒԹՅՈՒՆԸ ՔԱՆԴՎՈՒՄ Է
Կյուրիկյան թագավորության Վանենի թագուհին իր վաղամեռիկ ամուսնու հիշատակին , ով «կիսավրե մեռեալ և խավարեսցույց զմեզ», մեծագույն սիրով և նվիրումով կառուցեց Սանահինի կամուրջը, կից խաչքարին փորագրելով. «Ծիծս կոկոմ սկսեցի, մազս սպիտակ ավարտեցի»։
Արդեն քանի տարի է Դեբետի աննախադեպ վարարումից կամուրջի հիմնապատը վնասվել է՝ առաջ բերելով կործանարար խորշ։ Նույնքան տարի աղետի կապակցությամբ տագնապով աղաղակում ենք։
ՁԱՅՆ ԲԱՐԲԱՌՈ ՀԱՆԱՊԱՏԻ...
Գուցե պատկան մարմինները և՞ս աղետի են մատնվել...
Մանեսի Քարի կամուրջը մանկությանս քաղաքի հազարամյա զարդն է...
Թքել եմ պատկան մարմինների էլ, էնտեղ ծվարած և անգործության մատնված պատասխանատու անձանց էլ ճակատին»: