«Իրանը նախազգուշացնում է ԱՄՆ-ին՝ Քոնգրեսի ընտրություններից առաջ կամ հետո Իրանի վրա հարձակում չգործել»․ Աբդոլլահի

Թեհրանը նախազգուշացնում է Վաշինգթոնին Իրանի վրա հարձակում չգործել ինչպես Քոնգրեսի միջանկյալ ընտրություններից առաջ, այնպես էլ դրանցից հետո, հայտարարել է Իրանի զինված ուժերի «Խաթամ ալ-Անբիա» կենտրոնական շտաբի հրամանատար Ալի Աբդոլլահին։

«Եթե ընտրություններից առաջ կամ հետո՝ անկախ դրանց արդյունքից, նրանք (ԱՄՆ-ն՝ խմբ.) ինքնուրույն կամ (Իսրայելի՝ խմբ.) դրդմամբ քայլեր ձեռնարկեն Իրանի դեմ, Իսլամական Հանրապետության զինված ուժերն անմիջապես, հզոր և ցավոտ հարված կհասցնեն ամերիկյան թիրախներին՝ առանց որևէ սահմանափակման, ինչպես դուք տեսաք Ռամադան ամսվա պատերազմի ժամանակ (ԱՄՆ-ի և Իսրայելի՝ Իրանի հետ հակամարտության թեժ փուլը փետրվար-ապրիլ ամիսներին՝ խմբ.)»,- ասել է Աբդոլլահին, որի խոսքերը մեջբերում է Իրանի պետական հեռուստառադիոընկերությունը։ «Եթե կրկին ռազմական գործողություններ սկսվեն, ապա դրա «կրակը կկլանի բոլորին»»,- հավելել է իրանցի բարձրաստիճան զինվորականը։