«Ուկրաինական հակամարտության սրման դեպքում այն կարող է դուրս գալ երկրի սահմաններից»․ Ռուբիո

ԱՄՆ պետքարտուղար Մարկո Ռուբիոն հայտարարել է, որ ներկայումս բանակցությունների միջոցով Ուկրաինայի հակամարտությունը կարգավորելու հեռանկարներ չկան։

«Այս պահին, կարծես, բանակցությունների միջոցով կարգավորման հեռանկարներ չկան։ Մենք պատրաստ ենք հնարավոր ցանկացած դեր ստանձնել՝ դրան հասնելու համար։ Մենք նախկինում էլ ենք փորձել, սակայն առայժմ հասնել դրան չի հաջողվել», -Հունաստանի Kathimerini թերթին տված հարցազրույցում ասել է ԱՄՆ պետքարտուղարը։

Ռուբիոն չի բացառել հակամարտության սրման դեպքում դրա տարածումը Ուկրաինայի սահմաններից դուրս։

«Ամբողջ աշխարհն այն ընկալում է որպես մի երևույթ, որը կարող է ընդլայնվել և, հնարավոր է, վերածվել ավելի լայնածավալ հակամարտության», — ասել է ԱՄՆ պետքարտուղարը։