«Արևմուտքի հատուկ ծառայությունները կարող են օգտագործել ՀՀ-ում գտնվող տվյալների կենտրոնը՝ ՌԴ-ի և այլ երկրների դեմ»․ Շևցով

Հայաստանում նոր տվյալների կենտրոնը կարող է օգտագործվել արևմտյան հատուկ ծառայությունների կողմից՝ Ռուսաստանի, Իրանի և այլ երկրների դեմ։ Այս մասին հայտարարել է ՌԴ Անվտանգության խորհրդի քարտուղարի տեղակալ Ալեքսեյ Շևցովը՝ մեկնաբանելով օգոստոսի սկզբին Հրազդան քաղաքում NVIDIA-ի պրոցեսորներով աշխատող՝ Firebird AI ընկերության արհեստական բանականության տվյալների կենտրոնի բացումը։

Շևցովի խոսքով՝ «հաշվի առնելով այն հանգամանքը, որ Firebird ընկերությունը ենթարկվում է ամերիկյան օրենսդրությանը, ԱՄՆ հատուկ ծառայությունները կարող են հասանելիություն ստանալ նրա սերվերներում մշակվող բոլոր տվյալներին»։

«Սա նշանակում է, որ հայկական պետական կառույցների, ընկերությունների և քաղաքացիների տվյալները հասանելի կլինեն ԱՄՆ-ին՝ առանց հայկական իշխանությունների համաձայնության», — նշել է Շևցովը։