Հայաստանի ու Ադրբեջանի ներկայացուցիչները քննարկել են TRIPP նախագծի շրջանակում էլեկտրահաղորդման գծերի անցկացման հարցը

Այսօր Գորիս քաղաքում տեղի է ունեցել Ադրբեջանի և Հայաստանի համապատասխան կառույցների ներկայացուցիչների հանդիպումը՝ TRIPP նախագծի շրջանակում էլեկտրահաղորդման գծերի անցկացման հարցերի շուրջ, հայտնում են ադրբեջանական լրատվամիջոցները։

Նշվում է, որ հանդիպման ընթացքում կողմերը քննարկել են էլեկտրահաղորդման գծերի անցկացման հետ կապված տեխնիկական հարցերը, ինչպես նաև մտքեր են փոխանակել ոլորտի համապատասխան տեսակետների շուրջ։

Հատուկ ուշադրություն է դարձվել համապատասխան կառույցների միջև համակարգման և աշխատանքների առաջմղման համար անհրաժեշտ հետագա քայլերին։