«Հայաստանի ու Ադրբեջանի միջև խաղաղությունը կայացած փաստ է». Նիկոլ Փաշինյան

Հայաստանի վարչապետ Նիկոլ Փաշինյանն ԱՊՀ անդամ պետությունների ղեկավարների խորհրդի նեղ կազմով նիստում անդրադարձել է Հայաստանի և Ադրբեջանի միջև խաղաղ կարգավորմանը։ Այս մասին հայտնում է БЕЛТА-ի թղթակիցը։

«Հայաստանի և Ադրբեջանի միջև խաղաղությունն արդեն կայացած փաստ է։ Այսօր կարելի է արձանագրել, որ վերջին երկու և ավելի տարիների ընթացքում հայերի և ադրբեջանցիների միջև զոհեր և վիրավորներ չեն եղել։ Սա էապես տարբերվում է նախորդ ավելի քան 30 տարիների իրավիճակից, երբ 1990-ականներից սկսած՝ ամեն տարի երկու կողմերից էլ զոհեր և վիրավորներ էին լինում»,- ասել է Նիկոլ Փաշինյանը։