Քադիրովը Բաքվում Ալիևին շնորհավորել է «Ղարաբաղյան հարցի լուծման» կապակցությամբ

Ադրբեջանի նախագահ Իլհամ Ալիևը Բաքվում ընդունել է Չեչնիայի Հանրապետության ղեկավար Ռամզան Քադիրովին։ Այս մասին, rbc.ru-ի փոխանցմամբ, հաղորդել է Ադրբեջանի նախագահի պաշտոնական կայքը։
«Մեր ժողովուրդների միջև եղբայրական հարաբերություններն ունեն վաղեմի պատմություն, և այսօր մենք դրսևորում ենք համերաշխություն, բարեկամություն և համագործակցություն»,- ասել է Ալիևը։
Չեչնիայի ղեկավարը, իր հերթին, հայտարարել է, որ Ադրբեջանը և Չեչնիայի Հանրապետությունը միշտ էլ սերտ կապեր են ունեցել։ Բացի դրանից՝ Քադիրովն Ալիևին շնորհավորել է «Ղարաբաղյան հարցի լուծման» կապակցությամբ։