«Իրար կռիլո քսած երկու ավտո կարող են կանգնել, կիլոմետրանոց խցանում ստեղծել». Տիգրան Ավինյան

Շարունակելով երթևեկության խնդիրների ու խցանումների մասին խոսքը՝ Երևանի քաղաքապետ Տիգրան Ավինյանն ասաց. «Հաջորդ խնդիրը ավտովթարներ են, 50-ից 80 հազար դրամանոց իրար կռիլո քսած երկու ավտոն կարող են կանգնեցնել, երկու կմ-անոց խցանում ստեղծել: Հիշեցնեմ՝ օրենքով տուգանք ենք դրել 15 րոպեից ավելի վթարի դեպքում, եթե լուրջ հետևանքներ չկան... Սիրելի՛ երևանցիներ, եթե վթար է եղել, առողջական հետևանքներ չկան, հատկապես եթե պիկ ժամի է, 15 րոպեից ավելի կայանելու դեպքում կարող եք տուգանվել: Սիրելի՛ ապահովագրական ընկերություններ, սա ձեզ ևս մեսիջ է, չի կարելի ավելին պահանջել մարդկանցից: Այսինքն՝ մարդիկ նկարեցին, պետք է շարժվեն, գնան»: