«Նիդերլանդները մտադիր չէ պաշտպանության հարցերում ապավինել ԱՄՆ-ին». Դիլան Եշիլգյոզ-Զեգերիուս

Նիդերլանդներն այլևս մտադիր չէ պաշտպանության հարցերում ապավինել ԱՄՆ-ին։ Այս մասին հայտարարել է թագավորության պաշտպանության նախարար Դիլան Եշիլգյոզ-Զեգերիուսը։
«Բավական է միամիտ լինել։ Բավական է ապավինել մեր ավագ եղբորը կամ քրոջը՝ Ամերիկայում։ Անկախ նրանից, թե ով է այս պահին գտնվում Սպիտակ տանը, մենք պետք է ի վիճակի լինենք ինքնուրույն պաշտպանելու մեզ»,- ասել է նա՝ ելույթ ունենալով Վարշավայի անվտանգության համաժողովում։
Նիդերլանդների՝ ամռանը ներկայացված միջազգային անվտանգության նոր ռազմավարության համաձայն՝ երկրի կառավարությունը մտադիր է առաջիկա չորս տարիների ընթացքում նվազեցնել թագավորության պաշտպանության ոլորտում ԱՄՆ-ից ունեցած կախվածությունը։