Եվրոհանձնաժողովը 2,86 միլիարդ եվրո է փոխանցել Կիևին՝ ռազմական կարիքների համար

Եվրոհանձնաժողովն Ուկրաինային 2,86 միլիարդ եվրո է փոխանցել՝ 90 միլիարդ եվրոյի եվրոպական վարկի պաշտպանական բաղադրիչի շրջանակում։ Գումարը նախատեսված է անօդաչու թռչող սարքերի, ռադիոլոկացիոն համակարգերի, զինամթերքի և այլ ռազմական արտադրանքի ձեռքբերման համար։ Այս մասին հայտնել է տնտեսական հարցերով եվրոհանձնակատար Վալդիս Դոմբրովսկիսը։ Նա հստակեցրել է, որ միջոցները նախատեսված են «Ուկրաինայի ռազմական ամենահրատապ կարիքները հոգալու համար»։

ԵՄ-ի 90 միլիարդ եվրոյի վարկային ծրագիրը նախատեսված է 2026–2027 թվականների համար։ Այդ գումարից 60 միլիարդ եվրոն կհատկացվի պաշտպանական գնումներին, իսկ մնացած 30 միլիարդ եվրոն՝ Ուկրաինայի բյուջետային աջակցությանը։