«Կանադան ի վերջո կդառնա ԱՄՆ-ի 51-րդ նահանգը, քանի որ այլ կերպ լինել չի կարող»․ Թրամփ

ԱՄՆ նախագահ Դոնալդ Թրամփը վստահություն է հայտնել, որ Կանադան ապագայում կդառնա Միացյալ Նահանգների մասը։

«Ի վերջո, նրանք կդառնան 51-րդ նահանգը, քանի որ այլ կերպ լինել չի կարող», — հայտարարել է նա Արիզոնա նահանգում Հանրապետական կուսակցության կողմնակիցների առջև ունեցած ելույթի ժամանակ։ «Նրանք մեզ պետք չեն։ Մենք ենք նրանց պետք», — հավելել է Թրամփը։ Նա նշել է, որ Կանադայի հետ առևտրատնտեսական կապերի պատճառով ԱՄՆ-ն նախկինում տարեկան մինչև 100 միլիարդ դոլարի վնասներ է կրել։

Թրամփը կարծիք է հայտնել, որ Կանադայի իշխանությունները «կանեն նույնը, ինչ Գրենլանդիան»։

Սեպտեմբերին Թրամփը, Դանիայի վարչապետ Մետտե Ֆրեդերիկսենը և Գրենլանդիայի վարչապետ Յենս-Ֆրեդերիկ Նիլսենը ստորագրել են համաձայնագիր, որը վերաբերում է Արկտիկայի այդ կղզու անվտանգության ապահովման պարտավորությունները Վաշինգթոնին փոխանցելուն։