«Ուկրաինական հակամարտության կողմերը կհասնեն կարգավորման, բայց ոչ Զելենսկու հետ»․ Թրամփ

ԱՄՆ նախագահ Դոնալդ Թրամփը Newsmax հեռուստաալիքին տված հարցազրույցում կարծիք է հայտնել, որ Ուկրաինայում հակամարտության կողմերը կհասնեն ինչ-որ կարգավորման, սակայն դա չեն անի Ուկրաինայի նախագահ Վլադիմիր Զելենսկու հետ։

Նրա խոսքով՝ Զելենսկու հետ համաձայնության գալը զգալիորեն ավելի դժվար է, քան ՌԴ նախագահ Վլադիմիր Պուտինի հետ։ «Կարծում եմ՝ իրականում նրանք երկուսն էլ կցանկանային վերջ դնել այս ամենին, բայց ինձ թվում է, որ Զելենսկու հետ համաձայնության գալն ավելի դժվար է, քան Պուտինի»,- նշել է ԱՄՆ առաջնորդը։

Իսկ հարցին, թե արդյոք ուկրաինական հակամարտությունը կավարտվի մինչև իր նախագահական ժամկետի ավարտը, Թրամփն ասել է, որ այն պետք է շուտով ավարտվի։