«Ես ոչ մեկին չեմ վստահում»․ Թրամփը՝ Նեթանյահուի մասին

ԱՄՆ նախագահ Դոնալդ Թրամփը՝ Newsmax հեռուստաալիքին տված հարցազրույցում պատասխանելով այն հարցին, թե արդյոք վստահում է Իսրայելի վարչապետ Բենիամին Նեթանյահուին, ասել է, որ ոչ մեկին չի վստահում. «Քաղաքականության աշխարհում ես ոչ մեկին չեմ վստահում»:

Թրամփը հայտնել է նաև, որ Իսրայելի պաշտոնյաները ցանկանում են, որ ինքը մասնակցի Նեթանյահուի վերընտրվելու նախընտրական քարոզարշավին։ «Դե, նրանք կցանկանային, որ ես մասնակցեի։ Այո՛, նրանք կցանկանային»,- նշել է Թրամփը՝ պատասխանելով այն հարցին, թե արդյոք մտադիր է ներգրավվել ընտրություններին։

ԱՄՆ առաջնորդը հավելել է, որ ինքն ու Նեթանյահուն «շատ լավ հարաբերություններ» ունեն, և բարձր է գնահատել Իրանի դեմ ուղղված նրանց «շատ հաջող ռազմական գործընկերությունը»։