«Էրեբունի» հյուրանոցի սենյակներից մեկում հայտնաբերվել է ՌԴ քաղաքացու մարմին

Հոկտեմբերի 10-ին ողբերգական դեպք է տեղի ունեցել Երևանում։ Այդ օրը՝ ժամը 22:30-ի սահմաններում ՀՀ Ներքին գործերի նախարարության ոստիկանության Կենտրոնական բաժնում տեղեկություններ են ստացվել, որ Վազգեն Սարգսյան փողոցում գործող «Էրեբունի» հյուրանոցային համալիրի սենյակներից մեկում դի կա։
Ինչպես հայտնում է ֆոտոլրագրող Գագիկ Շամշյանը, ոստիկանները նշված հյուրանոցային համալիրի թիվ 604 սենյակում հայտնաբերել են Ռուսաստանի Դաշնության քաղաքացի 50-ամյա Ալբերտ Ն․-ի դին: Դեպքի փաստով քննչական բաժնում «սպանություն» (հանկարծամահություն) հատկանիշներով նախաձեռնվել է քրեական վարույթ։ Դատաբժշկի նախնական եզրակացության համաձայն դիակի արտաքին զննությամբ բռնության հետքեր չեն հայտնաբերվել։