Ռաֆիկ Համբարձումյանը (Haydalek) մտադիր է դադարեցնել իր գործունեությունը որպես բլոգեր

Haydalek անունով հայտնի բլոգեր Ռաֆիկ Համբարձումյանը սոցցանցի իր էջում գրել է․ «Իմ շատ սիրելի հետևորդներ, ես շուտով մի քանի ամիսների ընթացքում կավարտեմ բոլոր գրանցված համագործակցություններն ու պայմանագրերով ամրագրված պարտականությունները, որից հետո կդադարեմ իմ գործունեությունը որպես բլոգեր։

Ինձ համար հոգեպես շատ բարդ է ամեն անգամ ստանալ այս ատելության ալիքները, շատ սիրելով ձեզ և ավելի շատ սիրելով ինձ ու իմ ընտանիքը՝ նման որոշում եմ կայացրել։

Շնորհակալ եմ այս 5 տարիների համար։

Խնդրում եմ այս գրառումս չփորձել մանիպուլացնել, սա իմ պարզ մարդկային որոշումն է»։

Հիշեցնենք, որ վերջին օրերին նա քննադատության էր ենթարկվում սոցցանցում արված գրառման համար։