Լավրովը ժամանել է Թեհրան

ՌԴ ԱԳ նախարար Սերգեյ Լավրովն աշխատանքային այցով ժամանել է Թեհրան, հայտնում են ռուսական լրատվամիջոցները։ Ռուսաստանի արտաքին քաղաքական գերատեսչությունից ավելի վաղ հաղորդել էին, որ այսօր նախարարին կընդունի Իրանի նախագահ Մասուդ Փեզեշքիանը։ Լավրովը նաև բանակցություններ կվարի Իրանի ԱԳ նախարար Աբբաս Արաղչիի հետ։

Թեհրան այցի ընթացքում նախատեսվում է մանրամասն քննարկել միջազգային և տարածաշրջանային արդիական հարցերը՝ հատուկ ուշադրություն դարձնելով Իրանի շուրջ ստեղծված իրավիճակին և տարածաշրջանում լարվածության թուլացմանն ուղղված ռուսական կողմի քայլերին։