«ԱՄՆ-ն չի դադարեցրել հետախուզական տվյալների փոխանակումն Ուկրաինայի հետ»․ Ռուբիո

ԱՄՆ պետքարտուղար Մարկո Ռուբիոն այսօր հերքել է այն տեղեկությունները, թե Ուկրաինայի հետ հետախուզական տվյալների փոխանակումը դադարեցվել է, և նախագահ Վլադիմիր Զելենսկիին հորդորել է «կենտրոնանալ» Ռուսաստանի հետ պատերազմին վերջ դնելու վրա, հայտնում է Euronews-ը։

«Ոչ մի դադար չի եղել», — լրագրողների հետ զրույցում նշել է Ռուբիոն՝ անդրադառնալով Կիևից հնչած պնդումներին, թե ԱՄՆ-ը կարճ ժամանակով դադարեցրել էր ռուսական հրթիռային հարվածներին հակազդելու համար անհրաժեշտ հետախուզական տվյալների փոխանցումը։

«Նա (Զելենսկին), ինչպես և մենք, պետք է կենտրոնանա այս պատերազմին վերջ դնելու վրա», - ասել է Ռուբիոն։