Լավրովը և Փեզեշքիանը քննարկել են համագործակցության ամրապնդման ուղիները

Ռուսաստանի արտաքին գործերի նախարար Սերգեյ Լավրովը Թեհրանում հանդիպել է Իրանի նախագահ Մասուդ Փեզեշքիանի հետ, որի ընթացքում կողմերը քննարկել են երկկողմ համագործակցության ամրապնդման ուղիները, հայտնում է «ՌԻԱ Նովոստի»-ն։
«Իրանի նախագահ Մասուդ Փեզեշքիանը Ռուսաստանի արտաքին գործերի նախարար Սերգեյ Լավրովի հետ քննարկել է երկկողմ հարաբերությունները, ինչպես նաև տարածաշրջանային և միջազգային իրավիճակը։ Հանդիպման ընթացքում կողմերը մտքեր են փոխանակել Թեհրանի և Մոսկվայի միջև հարաբերություններին առնչվող հարցերի շուրջ և քննարկել համագործակցությունն ամրապնդելու ուղիները»,- հայտնել են Իրանի նախագահի գրասենյակից։