Կոլումբիայում ապօրինի ոսկու հանքի փլուզման հետևանքով 14 մարդ է զոհվել

2387

Երեքշաբթի, 20 հոկտեմբերի, 2026 թ., 11:12

Կոլումբիայի հարավ-արևմուտքում՝ ապօրինի ոսկու հանքավայրի փլուզման հետևանքով, առնվազն 14 մարդ զոհվել է, ևս 7-ը՝ վիրավորվել։ Այս մասին հայտնում է Reuters-ը՝ հղում կատարելով տեղական իշխանություններին։

Փլուզումը տեղի է ունեցել Նարինյո դեպարտամենտի Սանտա Բարբարա դե Իսկուանդե համայնքի գյուղական տարածքում։ Տարածաշրջանի նահանգապետ Լուիս Ալֆոնսո Էսկոբարի խոսքով՝ դեպքի վայրում որոնողափրկարարական աշխատանքներն արդեն ավարտվել են։

Տարածաշրջանի ղեկավարը համապատասխան նախարարություններին և Հանքարդյունաբերության ազգային գործակալությանը կոչ է արել արագացնել չկարգավորվող հանքարդյունաբերության օրինականացման գործընթացը՝ անվտանգության չափանիշները բարելավելու նպատակով։

??Deslizamiento en una mina de oro en Colombia deja 14 muertos y 7 heridos ▶️El derrumbe de una mina ilegal de oro en el departamento colombiano de Nariño dejó al menos 14 muertos y 7 heridos. Las autoridades informaron que las labores de búsqueda y rescate han concluido. https://t.co/NetKXN6P7Y
— HispanTV (@Nexo_Latino) October 20, 2026