«ԵԱՏՄ-ից Հայաստանի դուրս գալու դեպքում գազի ներմուծման արժեքը կաճի»․ ԵԱՏՄ-ի միջկառավարական խորհուրդ

Հայաստանի՝ Եվրասիական տնտեսական միությունից (ԵԱՏՄ) դուրս գալու դեպքում գազի ներմուծման արժեքը կաճի։ Այս մասին նշվում է Ռուսաստանի, Բելառուսի, Ղազախստանի և Ղրղզստանի ներկայացուցիչների կողմից Եվրասիական միջկառավարական խորհրդի շրջանակում պատրաստված համապատասխան զեկույցում։

«Հայաստանի Հանրապետության կողմից գազի ներմուծման արժեքը կաճի 268,5 միլիոն դոլարով կամ 69%-ով՝ 389 միլիոն դոլարից հասնելով 657,5 միլիոն դոլարի»,- ասվում է զեկույցում։

Նշվում է, որ Հայաստանի կողմից գազի ներմուծման արժեքի սցենարային գնահատման հիմքում ընկած է հազար խորանարդ մետրի դիմաց 300 դոլար գինը՝ մատակարարումների ֆիզիկական ծավալի պահպանման պայմանով. «Հազար խորանարդ մետրի դիմաց 177,5 դոլար գործող բազային գնի համեմատ՝ գնի աճը կկազմի շուրջ 69%»: