Ուրբաթ, 23 հոկտեմբերի, 2026 թ.
|
Ստեփանակերտում`   +15 °C

Բուլղարիայի խորհրդարանի նախագահի անվտանգության աշխատակիցը հրել և գետնին է գցել լրագրողին

Բուլղարիայի խորհրդարանի նախագահի անվտանգության աշխատակիցը հրել և գետնին է գցել լրագրողին
114
Այսօր, 14:30

Բուլղարիայի «Առաջադիմական Բուլղարիա» կուսակցության շտաբի մոտ Ազգային պահպանության ծառայության աշխատակիցը հրել և գետնին է գցել լրագրող Սոնյա Կոլտուկլիևային, ինչի հետևանքով նա ուսի կոտրվածք է ստացել։ Լրագրողը փորձել է հարց ուղղել Ազգային ժողովի նախագահ Միխաելա Դոցովային՝ բացելով նրա ավտոմեքենայի դուռը, հայտնում է Nova-ն։ Տուժածի խոսքով՝ Ազգային պահպանության ծառայության աշխատակիցը ձերբակալվել է։

Միևնույն ժամանակ, Դոցովան տեղի ունեցածը որակել է որպես «բացարձակապես անընդունելի»։ Նրա խոսքով՝ Ազգային պահպանության ծառայությունն աշխատում է սեփական կանոններով, և ինքն իրավասու չէ հրահանգներ տալ ծառայության աշխատակիցներին, սակայն պնդելու է, որ միջադեպի առնչությամբ ստուգում անցկացվի։ Իսկ Բուլղարիայի նախագահ Իլիանա Յոտովան հայտարարել է, որ կպահանջի Ազգային պահպանության ծառայության ղեկավարի հրաժարականը։