«Մեքքայի համաձայնագրի մասնակից երկրների ներկայացուցիչները կայցելեն Թեհրան»․ #Reuters

Սաուդյան Արաբիայի, Թուրքիայի և Պակիստանի ներկայացուցիչներն այսօր Թեհրանում կհանդիպեն Իրանի պաշտոնյաների հետ՝ տարածաշրջանային համակարգման հարցերը քննարկելու նպատակով։ Այս մասին, հղում կատարելով աղբյուրներին, հայտնում է Reuters-ը։

Հանդիպմանը Սաուդյան Արաբիան կներկայացնի պաշտպանության նախարար, արքայազն Խալիդ բեն Սալման Ալ Սաուդը, Պակիստանը՝ ցամաքային զորքերի հրամանատար Ասիմ Մունիրը, իսկ Թուրքիան՝ Ազգային հետախուզական կազմակերպության ղեկավար Իբրահիմ Քալընը։

Երեք երկրները Մեքքայի համաձայնագիրը ստորագրել են օգոստոսի սկզբին։ Փաստաթղթի համաձայն՝ մասնակիցներից մեկի վրա հարձակումը դիտարկվում է որպես հարձակում բոլորի վրա։