«Եվրոպան Հայաստանին ներքաշում է իր ուղեծիր»․ Ալեքսանդր Վենեդիկտով

Եվրոպան մտադիր է մինչև վերջ շահագործել Ուկրաինային և Մոլդովային, իսկ Հայաստանին ներքաշում է իր ուղեծիր։ Այս մասին հայտարարել է ՌԴ Անվտանգության խորհրդի քարտուղարի տեղակալ Ալեքսանդր Վենեդիկտովը։

«Այսօր Եվրոպան համառորեն շարունակում է ընդլայնման մասին երազանքներ փայփայել, մտադիր է մինչև վերջ շահագործել Ուկրաինային և Մոլդովային, Հայաստանին ներքաշում է իր ուղեծիր, ոչ բարեկամական քայլեր է ձեռնարկում նաև մի շարք այլ պետությունների նկատմամբ։ ՆԱՏՕ-ն իր կազմում ընդգրկել է Ֆինլանդիային և Շվեդիային՝ հերթական անգամ ընդլայնվելով դեպի արևելք՝ հակառակ դա չանելու մասին տված խոստումներին»,- ասել է նա՝ «Մեծ Եվրասիայի տարածքում ազգային անվտանգության հայեցակարգերն ու դոկտրինները. առանձնահատկություններն ու հեռանկարները» խորագրով թեմատիկ նիստի ընթացքում: