«Երկրները, որոնց ԱՄՆ-ն պաշտպանել է, պետք է փոխհատուցեն Իրանի հետ հակամարտության ծախսերը». Թրամփ

ԱՄՆ-ի նախագահ Դոնալդ Թրամփը հայտարարել է, որ երրորդ երկրները պետք է փոխհատուցեն ԱՄՆ-ին Իրանի դեմ իրականացված ռազմական գործողության ծախսերը՝ որպես անվտանգության դիմաց վճար։
«Այս ամենի ավարտին այն երկրները, որոնց մենք պաշտպանել ենք, ամբողջությամբ կփոխհատուցեն մեզ Իրանի դեմ պատերազմի համար մեր կատարած բոլոր ծախսերը։ Մենք հետ կվերադարձնենք այդ ամբողջ գումարը։ Ես նրանց այդ մասին ասել եմ, և նրանք դա կանեն հարյուր տոկոսով, քանի որ առանց մեզ նրանք գոյություն չէին ունենա։ Առանց մեզ Իսրայելը գոյություն չէր ունենա»,— ասել է Թրամփը CBS հեռուստաալիքին։

Ավելի վաղ Թրամփը հայտարարել էր, որ Պարսից ծոցի երկրները պետք է փոխհատուցեն ԱՄՆ-ին։ Նա մասնավորապես նշել էր Սաուդյան Արաբիան, ԱՄԷ-ն, Քաթարը, Բահրեյնը և Քուվեյթը։