«Ավտոմեքենայով տեղաշարժվելը մի փոքր շքեղություն պետք է դառնա». Տիգրան Ավինյան

«Ունենք ահագնացող խցանումների խնդիր, և կարելի է ասել՝ դա էն ամենահիմնարար խնդիրն է, որ քաղաքում այսօր առկա է»,- բյուջետային քննարկման ժամանակ ասել է Երևանի քաղաքապետ Տիգրան Ավինյանը: «Կա մեկ լուծում, որը կիրառվել է գրեթե բոլոր զարգացած քաղաքներում՝ առաջնահերթությունը տալ հանրային տրանսպորտին, դրանք՝ առանձնացված գծերի լուծումներն են ու ավտոմեքենաների համար որոշակի սահմանափակումները... Մի հուսալի միջոց պետք է լինի քաղաքով տեղաշարժվելու, դա հանրային տրանսպորտն է: Ավտոմեքենայով տեղաշարժվելը մեզ մոտ, այսպես ասած, մի փոքր արդեն ավելի շքեղության բան պետք է դառնա։ Մեր փողոցները ռեզինից չեն, չեն կարող ավելի ընդլայնվել»,- հավելել է նա: