Ալիևն ու կինը Էրդողանի հրավերով Թուրքիայում են

Ադրբեջանի նախագահ Իլհամ Ալիևը Թուրքիայի նախագահ Ռեջեփ Թայիփ Էրդողանի հրավերով նոյեմբերի 10-ին այցով ժամանել է Անթալիա՝ մասնակցելու ՄԱԿ-ի Կլիմայի փոփոխության մասին շրջանակային կոնվենցիայի Կողմերի համաժողովի 31-րդ նստաշրջանի (COP31) առաջնորդների գագաթնաժողովին։ Այս մասին տեղեկացնում է Ադրբեջանի պետության ղեկավարի պաշտոնական կայքը։
Անթալիայի միջազգային օդանավակայանում Ադրբեջանի նախագահի պատվին շարվել է պատվո պահակախումբ։
Նախագահ Իլհամ Ալիևին և առաջին տիկին Մեհրիբան Ալիևային դիմավորել են Թյուրքական պետությունների կազմակերպության (ԹՊԿ) ավագների խորհրդի նախագահ Բինալի Յըլդըրըմը, «Արդարություն և զարգացում» կուսակցության (AK Parti) փոխնախագահ Քյուրշադ Զորլուն, Թուրքիայի Ազգային մեծ ժողովի արտաքին հարաբերությունների հանձնաժողովի նախագահ Ֆուաթ Օքթայը, Թուրքիայի Ազգային մեծ ժողովի պատգամավոր Մևլութ Չավուշօղլուն, Անթալիայի նահանգապետ Հուլուսի Շահինը և այլ պաշտոնատար անձինք։