Իսպանիայում բնակարանային ճգնաժամի պատճառով համընդհանուր գործադուլ է

Իսպանիայում աշխատողները համընդհանուր գործադուլ են հայտարարել և, չնայած վատ եղանակին, բողոքի ակցիաներ են իրականացնում երկրում բնակարանների մատչելիության ճգնաժամի դեմ։ Այս մասին հայտնում է Reuters-ը։

Սա վերջին 14 տարվա ընթացքում Իսպանիայում առաջին համընդհանուր գործադուլն է, որին միացել են երկրի երկու խոշորագույն արհմիությունները՝ UGT-ն և CCOO-ն, ինչպես նաև այլ արհմիություններ ու վարձակալների միավորումներ։

Կենտրոնական բանկի տվյալներով՝ Իսպանիայում բնակարանների պակասը կազմում է շուրջ 750 հազար։ Կանխատեսումների համաձայն՝ մինչև 2028 թվականը այդ պակասը կգերազանցի մեկ միլիոնը։ Քանի որ գնալով ավելի քիչ մարդիկ են կարողանում իրենց թույլ տալ բնակարան գնել, վարձակալության պահանջարկը կտրուկ աճել է՝ մեծացնելով ճնշումն այս շուկայի վրա։