Քուշներն ու Ուիթքոֆը կմեկնեն Մոսկվա՝ Պուտինի հետ հանդիպելու նպատակով

ԱՄՆ նախագահի հատուկ բանագնացները կմեկնեն Մոսկվա՝ Ռուսաստանի նախագահ Վլադիմիր Պուտինի հետ հանդիպելու նպատակով։

«Վաղը ես և Սթիվը պատրաստվում ենք մեկնել Մոսկվա՝ նախագահ Պուտինի հետ հանդիպելու, այսօր քննարկված հարցերը քննարկելու և որոշ հարցերի շուրջ ավելի մեծ առաջընթացի հասնելու փորձ կատարելու համար, քանի որ մենք որոշակի հնարավորություններ ենք տեսնում»,- ԱՄԷ-ում կայացած եռակողմ բանակցություններից հետո հայտարարել է Ջարեդ Քուշները։

Նրա խոսքով՝ եռակողմ բանակցությունների երկրորդ օրը բարդ և բովանդակալից է եղել։

Ռուսաստանի, ԱՄՆ-ի և Ուկրաինայի միջև եռակողմ բանակցությունները տեղի են ունեցել Աբու Դաբիում՝ նոյեմբերի 10-11-ը։

Ինչպես ավելի վաղ հայտնել էր РИА Новости-ի աղբյուրը, բանակցությունների նպատակն էր քննարկել անվտանգության նոր համակարգի ձևավորման առանցքային ասպեկտները։ Նրա խոսքով՝ ուկրաինական հակամարտության կարգավորումը լայնածավալ քննարկման հարցերից միայն մեկն էր։