Հինգշաբթի, 19 նոյեմբերի, 2026 թ.
|
Ստեփանակերտում`   +14 °C

«Եվրոհանձնաժողովը լայնածավալ հաքերային հարձակման է ենթարկվել»․ # Politico

«Եվրոհանձնաժողովը լայնածավալ հաքերային հարձակման է ենթարկվել»․ # Politico
47
Այսօր, 11:49

Եվրոհանձնաժողովը, որը հանդես է գալիս ԵՄ երկրներում կիբերանվտանգության պահանջների խստացման օգտին, ինքն է դարձել լայնածավալ հաքերային հարձակման զոհ։ Այս մասին հայտնում է Politico-ն։

«Միջադեպը կարող էր հանգեցնել անձնական տվյալների զգալի ծավալի վտանգման, աշխատակիցներին զրկել աշխատավարձերի և արձակուրդների վերաբերյալ տեղեկություններ մուտքագրելու հնարավորությունից և ստիպել բարձրագույն ղեկավարությանը ճգնաժամը քննարկել շաբաթական նիստի ընթացքում», — նշվում է հրապարակման մեջ։

Պարբերականի տեղեկություններով՝ հաքերներն օգտագործել են արհեստական բանականության հիմքով հանրամատչելի գործիք, որը նախատեսված է համակարգչային համակարգերում խոցելիությունների հայտնաբերման համար։ Եվրոհանձնաժողովը ստիպված է եղել ժամանակավորապես անջատել մի շարք հավելվածներ, այդ թվում՝ աշխատաժամանակի հաշվառման, արձակուրդների, աշխատավարձերի և բժշկական ծախսերի փոխհատուցման համակարգերը։

Տվյալների հնարավոր արտահոսքի ծավալները դեռևս պարզվում են։