Շվեյցարական Ալպերում հայտնաբերվել է գրեթե չորս հազար տարվա վաղեմության բրոնզե զարդ

Շվեյցարական Ալպերի Լյոչեն լեռնանցքում հնագետները հայտնաբերել են մեր թվարկությունից առաջ 2000–1700 թվականներին պատրաստված բրոնզե մանյակ։ Զարդը գտնվել է ծովի մակարդակից ավելի քան 2600 մետր բարձրության վրա։ Հոկտեմբերի կեսերին արված այս գտածոյի մասին Բեռն կանտոնի հնագիտական ծառայությունը հայտնել է նոյեմբերի 18-ին։
Մոտ 13 սանտիմետր տրամագծով մանյակը լավ է պահպանվել՝ չնայած լեռնային խիստ պայմաններում անցկացրած հազարամյակներին։ Այն ունի օղակաձև երկու ծայր։ Նախկինում լեռնանցքում հայտնաբերվել էին բրոնզե դարի զենքեր և այլ առարկաներ, սակայն նմանատիպ զարդ գտնվել է առաջին անգամ։ Նմանօրինակ մանյակներ հնագետները նախկինում հայտնաբերել էին Բեռնի տարածաշրջանի մի քանի բնակավայրերի՝
Հետազոտողները կարծում են, որ առարկան կարող էին միտումնավոր թողած լինել լեռներով անցնելու ժամանակ։ Հնարավոր է՝ դա ընծա է եղել աստվածությանը՝ ճանապարհին ուղևորին պաշտպանելու խնդրանքով կամ բարեհաջող վերադարձի համար երախտագիտության նշանով։
Լյոչեն լեռնանցքից մարդիկ օգտվել են ավելի քան չորս հազար տարի։ Այստեղ հայտնաբերվել են աղեղների և նետերի բեկորներ, կաշվե իրեր և կոպիտ աղացած հացահատիկի մնացորդներով փայտե անոթ։ Այս առարկաները վկայում են, որ մարդիկ հատել են Ալպերը ժամանակակից ճանապարհների ի հայտ գալուց շատ առաջ։
Որոշ հնագույն արտեֆակտներ պահպանվել են լեռնային սառույցի շնորհիվ։ Սակայն գլոբալ տաքացման պատճառով սառույցը հալվում է՝ ի հայտ բերելով առարկաներ, որոնք օդի և եղանակային պայմանների հետ շփվելուց հետո կարող են արագ քայքայվել։ Այդ պատճառով հնագետները պարբերաբար ուսումնասիրում են լեռնանցքը՝ նոր գտածոներ հայտնաբերելու նպատակով։

Շվեյցարական Ալպերում հայտնաբերվել է գրեթե չորս հազար տարվա վաղեմության բրոնզե զարդ (լուսանկար)
2423:43
Յուրի Պետրոսյանի 85-ամյակին նվիրված հետահայաց ցուցահանդեսը ներկայացնում է արվեստագետի ստեղծագործական ուղու տարբեր փուլերը (լուսանկար)
51615.11.2026, 23:54
«Հնագույն Հայաստան»․ Ակրոպոլիսի թանգարանում կներկայացվի Հայաստանի հազարամյակների պատմությունն ու մշակույթը
51915.11.2026, 20:54
«17-րդ դարի վերջին ի հայտ եկավ սրի (թրի) առաջին նշանակալի ձևափոխված տարբերակը»․ Սուքիաս Թորոսյան
65114.11.2026, 16:12
«Սամվել Կարապետյանի նոր քրեական վարույթով 91 քննիչ է ներգրավվել». Ռուբեն Հակոբյան (տեսանյութ)
72513.11.2026, 21:12
Մահացել է Նորայր Մեհրաբյանը
55713.11.2026, 13:54
ԱՄՆ-ում աճուրդի կհանվի Այվազովսկու՝ նախկինում անհայտ կտավը (լուսանկար)
154912.11.2026, 00:13
Ադրբեջանը զայրացել է, որ Երևանի Կապույտ մզկիթի հանդիսությունների սրահը Չարենցի անունով է անվանակոչվել
68211.11.2026, 21:12