Փարիզում Լը Պենի կուսակցության գրասենյակում խուզարկություն են իրականացրել

Ֆրանսիայի իրավապահ մարմինները խուզարկություն են իրականացրել Մարին Լը Պենի «Ազգային միավորում» կուսակցության գրասենյակներից մեկում, հայտնում է BFMTV-ը։
Հեռուստաալիքի տվյալներով՝ քննչական գործողություններն իրականացվել են «մասնագիտական գաղտնիքի խախտման», «նախաքննական գաղտնիքի խախտման» և «այդ հանցագործությունների հետքերը թաքցնելու» դեպքերի առնչությամբ հարուցված դատական քննության շրջանակում։ Նշվում է, որ խուզարկությունը կատարվել է նոյեմբերի 9-ին՝ Փարիզում գտնվող կուսակցության գրասենյակում։
BFMTV-ի տեղեկություններով՝ «Ազգային միավորում» կուսակցությանը գաղտնի տեղեկություններ փոխանցելու մեջ կասկածվում է մի անձ, որն աշխատել է Ֆրանսիայի ներքին գործերի նախարարությունում՝ այն ժամանակահատվածում, երբ տեղի է ունեցել տեղեկատվության արտահոսքը։ Աղբյուրի համաձայն՝ այդ անձը ներկայումս զբաղեցնում է Լուար դեպարտամենտի պրեֆեկտի պաշտոնը։
Հեռուստաալիքի հաղորդմամբ՝ դատախազությունը հետաքննությունը սկսել է 2025 թվականին՝ կապված «Ինքնություն և ժողովրդավարություն» (Identity and Democracy) եվրոպական խորհրդարանական խմբակցության կողմից Եվրոմիության միջոցների հնարավոր ոչ նպատակային օգտագործման դեպքերի հետ։ 2019-2024 թվականներին Եվրախորհրդարանում այդ խմբակցության կազմում ընդգրկված է եղել նաև «Ազգային միավորում» կուսակցությունը։
«Դատական քննությունը շարունակվում է։ Այս պահին որևէ մեկին պաշտոնական մեղադրանք չի առաջադրվել»,- հեռուստաալիքը մեջբերում է Փարիզի դատախազության ներկայացուցչի խոսքերը։

«Փաշինյանին հեռացնելու 100 տոկոսանոց հնարավորություն ունեք»․ Ռուբեն Ռուբինյան (տեսանյութ)
911:30
«Ոնց են ասում՝ «да здравствует самый гуманный суд в мире»․ Ռոբերտ Քոչարյան (տեսանյութ)
4311:12
«Այս ութ տարիների ընթացքում այնքան պիտակներ եք հավաքել ձեր ճակատին, որ դրա մասին խոսելն ամոթ է»․ Լիաննա Գասպարյան (տեսանյութ)
4711:06
Արեգա Հովսեփյանի արձագանքը՝ կենսաչափական փաստաթղթերում «Ադրբեջան» նշման մասին (լուսանկար)
6810:54
«Դուք կրքոտ հռետոր չեք․ պատմությունը ձեզ այլ գնահատական է տալու»․ Լիլիթ Գալստյան (տեսանյութ)
6110:36
«Ժողովուրդը ձեզ Սահմանադրություն փոխելու մանդատ չի տվել»․ Լիլիթ Գալստյան
6610:24
«ԱՄՆ ԱԱԳ-ն արդեն երրորդ օրն է՝ չի կարողանում վերացնել ներքին ցանցի խափանումը»․ #NBC
14710:13
ԱԺ նիստը՝ ուղիղ միացմամբ (տեսանյութ)
6210:00