Գայլի հարձակումից տուժած երեխաների համար Արցախ է հասցվել անհրաժեշտ հակակատաղության շիճուկը. ԱՆ
1918 Հինգշաբթի, 31 մայիսի, 2018 թ., 17:45 Արցախի Հադրութի շրջանում գայլի հարձակման հետևանքով տուժած երեք երեխաները ստացել են հակակատաղության և փայտացման դեմ պատվաստումներ: Երեխաների վիճակը շարունակում է մնալ միջին ծանրության: Այս մասին տեղեկացնում է ՀՀ Առողջապահության նախարարության մամլո ծառայությունը: Մեծ Թաղեր և Տումի համայնքներում մայիսի 28-ին արձանագրված դեպքի առիթով ՀՀ առողջապահության նախարարությունը ձեռնարկել է հրատապ աշխատանքներ և Վրաստանի Հանրապետության առողջապահական համապատասխան կազմակերպությունների հետ համագործակցության արդյունքում հաշված ժամերի ընթացքում անհրաժեշտ քանակությամբ հակակատաղության իմունագլոբուլինը տրամադրվել է տուժածներին: Կատաղությունը (հիդրոֆոբիա) վիրուսային զոոնոզ հիվանդություն է՝ պոլիէնցեֆալիտին բնորոշ ախտանշաններով: Մարդու մոտ կլինիկական ախտանշանների առկայության դեպքում հիվանդությունն ավարտվում է մահով: Բնության մեջ վարակի հիմնական աղբյուր և կրող համարվում են գիշատիչ կենդանիները, չղջիկները, առնետները, իսկ կենցաղում՝ ընտանի կենդանիները (շներ, կատուներ), գյուղատնտեսական կենդանիները: Վարակի գաղտնի շրջանը որոշվում է վնասվածքի, կծվածի տեղակայմամբ, ծանրությամբ և տատանվում է մի քանի օրից մինչև 1 տարի և ավելի: Վարակի փոխանցման մեխանիզմը մարդու անմիջական շփումն է վարակի աղբյուրի հետ (մաշկի կամ արտաքին լորձաթաղանթների ամբողջականության խախտում՝ կծելու, թքոտելու, ճանկռելու և այլնի արդյունքում, ինչպես նաև թքոտում մաշկի և արտաքին լորձաթաղանթների ամբողջության պահպանման դեպքում): Կատաղության դեմ կանխարգելիչ պատվաստումները համարվում են նաև բուժում՝ հետևաբար անհրաժեշտ է հատկապես թափառող, անհայտ և վայրի կենդանիների կողմից վնասվելու դեպքում անմիջապես դիմել բժշկական օգնության համապատասխան պատվաստումները ստանալու և հիվանդության զարգացումից զերծ մնալու համար: Արցախի Հանրապետության առողջապահության նախարարությունը մայիսի 28-ին ահազանգ էր ստացել, որ Ստեփանակերտի հիվանդանոց են տեղափոխվել 3 երեխա և մեկ մեծահասակ, որոնք տուժել են գայլի հարձակումից: Տուժածներին ցուցաբերվել էր անհրաժեշտ բժշկական օգնություն: Սակայն բժշկական օգնության լիարժեքությունն ապահովելու համար անհրաժեշտություն էր առաջացել նաև երեխաներին ներարկել հակակատաղության իմունագլոբուլին, ինչը ցուցված է նման դեպքերում կատաղություն հիվանդության զարգացումը կանխելու համար: |
«Վեներական հիվանդությունների բռնկում՝ Իջևանում»․ Ոսկան Սարգսյան
36616.03.2024, 13:48Տխուր վիճակագրություն. որ հիվանդություններից են ամենաշատը մահվան դեպքեր գրանցվել. «Ժողովուրդ»
31216.03.2024, 09:36Անահիտ Ավանեսյանը՝ Արսեն Թորոսյանի քննադատության մասին (տեսանյութ)
48514.03.2024, 12:36«Համակարգի ներդրումն իրականացվեց առանց պատշաճ պատրաստվելու»․ Արսեն Թորոսյան
48813.03.2024, 15:18«Հենց առաջին օրը համակարգը «պառկեց», չաշխատեց»․ Անուշ Պողոսյանը՝ էլեկտրոնային դեղատոմսերի մասին (տեսանյութ)
41813.03.2024, 11:30Վճարումներ, հավելյալ աշխատակիցներ, համակարգիչներ․ էլեկտրոնային դեղատոմսերին անցում կատարելու բարդությունները. «Ժողովուրդ»
42512.03.2024, 09:24«Երեխայի մահվան վերջնական պատճառը հայտնի կդառնա դատաբժշկական փորձաքննությունից հետո». Հայկ Կոստանյան
42311.03.2024, 16:24ԱՆ-ն՝ 9 տարեկան երեխայի մահվան դեպքի մասին
37711.03.2024, 16:06