Մեկնարկել է շախմատի Հայաստանի ակումբային առաջնության կիսաեզրափակիչ փուլը

Հայաստանի շախմատի ակադեմիայում երեկ մեկնարկել է Հայաստանի ակումբային առաջնության կիսաեզրափակիչ փուլը, որին մասնակցում են Երևանը և ՀՀ մարզերը ներկայացնող 31 ակումբներ: Ավելի վաղ տեղեկացրել էինք, որ միջին ամենաբարձր գործակից ունեցող 5 թիմերը իրավունք են ստացել մասնակցելու եզրափակչին: Կիսաեզրափակիչ մրցաշարը բաղկացած է լինելու 7 խաղափուլից: Երեկ կայացան մրցաշարի մեկնարկային առաջին երեք տուրերը: Խաղացված երեք տուրերում Էջմիածին և Լենտեքս Գյումրի ակումբները վաստակել են 6-ական թիմային միավոր և գլխավորում են աղյուսակը: Ելք կա, Մալաթիա 1 և Գոլդ Չեսս ակումբները 5-ական միավորով կիսում են 3-5-րդ հորիզոնականները:
Այսօր տեղի կունենա կիսաեզրափակչի 4-7-րդ տուրերը և պարզ կդառնան եզրափակչի ուղեգիր նվաճած 3 ակումբների անունները: