Գագիկ Ծառուկյանն ապտակել է ազատամարտիկի, ով նաև երիտասարդների աշխարհի չեմպիոնի հայր է
1506 Երեքշաբթի, 03 հուլիսի, 2018 թ., 18:00 Երեկ՝ հուլիսի 2-ին, օլիմպավանում միջադեպ է տեղի ունեցել, որի հետևանքով 50-ամյա տղամարդը տեղափոխվել է «Արմենիա» բժշկական կենտրոն։ Նրա մոտ ախտորոշվել է պոլիտրավմա՝ կողոսկրի կոտրվածք և այլ վնասվածքներ։ MAMUL.am-ի տեղեկություններով՝ տուժածը երիտասարդների աշխարհի չեմպիոն բռնցքամարտիկ Նիկոլ Հարությունովի հայրն է՝ ազատամարտիկ Վյաչեսլավ Հարությունովը։ Հարությունովն արցախյան հերոսամարտի մասնակից է։ Անբասիր ծառայության համար պարգևատրվել է «Մարտական խաչ»-ով, «Մայրական երախտագիտություն Արցախի քաջորդիներ» հուշամեդալով։ MAMUL.am-ի թղթակցին հայտնի են դարձել նաև միջադեպի մանրամասները։ Հարությունովի որդին, 2012-ին երիտասարդների աշխարհի չեմպիոն հռչակվելուց հետո, մեկնել է Ռուսաստան։ 2015-ին նա, ֆեդերացիայի հորդորով, վերադարձել է հայրենիք և մասնակցել Բաքվի խաղերին, ապա Թուրքիայում կայացած Սամսունի միջազգային մրցաշարին, որը վարկանշային էր Ռիոյի օլիմպիական խաղերի համար։ Բաքվում Նիկոլին ուղեկցում էր հայրը՝ Վյաչեսլավը։ Մրցաշարերին արդյունքի չհասնելու պատճառով, Նիկոլը պետք է զորակոչվեր բանակ՝ չկարողանալով շարունակել մարզական կարիերան։ Նիկոլը որոշել է փախնել զորակոչից և այժմ հետախուզման մեջ է։ Նիկոլի հայրը, երեկ կայացած ժողովի ընթացքում, բարձրաձայնել է որդու խնդիրը՝ Ծառուկյանին խնդրելով լուծել այդ հարցը։ Ծառուկյանը, բոլորի առաջ, խոստացել է հետ վերադարձնել Նիկոլին և լուծել նրա զինվորական ծառայության հարցը։ Ժողովի ավարտից հետո, սակայն, Հարությունովը մոտեցել է Ծառուկյանին, նրանց միջև վիճաբանություն է ծագել։ Հարությունովի խոսքով՝ Ծառուկյանը նրան ապտակել է, ապա վրա են հասել նրա թիկնապահները, ովքեր ծեծի են ենթարկել Հարությունովին։ |
Մահացել է Դավիթ Մարտիրոսյանը
37429.04.2024, 13:36Նարեկ Մանասյանը՝ բռնցքամարտի Եվրոպայի առաջնության արծաթե մեդալակիր
46629.04.2024, 00:24Բարեղամ Հարությունյանը՝ Եվրոպայի փոխչեմպիոն (տեսանյութ)
39228.04.2024, 21:18Հենրիխ Մխիթարյանի գրառումը՝ Հայոց ցեղասպանության 109-րդ տարելիցի կապակցությամբ
71924.04.2024, 23:54Գագիկ Նավոյանը՝ Հայաստանի մինչև 16 տարեկանների չեմպիոն
77321.04.2024, 16:06Աշխարհի գավաթ․ մարմնամարզիկ Արթուր Դավթյանը՝ 2024 թվականի բացարձակ հաղթող
71920.04.2024, 20:54Բռնցքամարտի Հայաստանի չեմպիոնը Սերբիայում հաղթել է Եվրոպայի չեմպիոնին
76020.04.2024, 17:48Վահագն Դավթյանը Փարիզի 2024թ. Օլիմպիական խաղերի ուղեգիր նվաճեց (լուսանկար)
73519.04.2024, 22:48